Në një njoftim nga Shtëpia e Bardhë, thuhet se Sherwood-Randall përsëriti përkushtimin e palëkundur të SHBA-së për sovranitetin dhe integritetin rajonal të Kosovës.
“Dr.Sherwood-Randall përsëriti përkushtimin e palëkundur të Shteteve të Bashkuara për ‘sovranitetin, integritetin territorial dhe sigurinë rajonale të Kosovës, siç dëshmohet përmes udhëheqjes së qëndrueshme të SHBA-së në misionin e NATO-s në Forcën e Kosovës (KFOR) dhe mbështetjes thelbësore për Forcën e Sigurisë së Kosovës (FSK) teksa ajo vazhdon planin e saj 10-vjeçar të tranzicionit’”, thuhet në njoftim.
Sipas njoftimit, Sherwood – Randall shprehu falënderime të thella për presidenten Osmani dhe kryeministrin Kurti për mbështetjen e vazhdueshme të Kosovës për pritjen e përkohshme të afganëve vulnerabël në Kampin Liya gjatë tranzicionit në shtëpitë e ardhshme, për partneritetin e Kosovës në luftën kundër terrorizmit dhe për aktet e solidaritetit të Kosovës me ukrainasit. /Teve1.info/
