Shtatë sirianë të armatosur të cilët kanë tentuar që të hyjnë nga Shqipëria në Kosovës kanë qëlluar me armë zjarri në drejtim të zyrtarëve policorë të Kosovës.
Drejtori i policisë kufitare, Nexhmi Krasniqi, për teve1.info ka thënë se tre nga ta janë arrestuar, ndërsa katër të tjera kanë ikur duke u kthyer mbrapsht në territorin shqiptare.
“Policia e Kosovës ka pranuar sot një informatë nga Policia e Shtetit në Shqipëri se disa persona kanë tentuar të futen në Kosovë në vijën kufitare në mënyrë ilegale. Kanë qenë shtatë sirianë, tre nga ata është arritur të kapën. Ka qenë një koordinim i policisë tonë me atë shqiptare, i kemi marrë veprimet e përbashkëta për kapjen e tyre. Katër nga ata janë rikthyer mbrapsht”, ka deklaruar ai.
Ai tha se kryesori i grupit është i njohur për policinë, por që nuk mund të tregojë detaje për shkak të operacionit që është duke vazhduar.
“Kryesori i grupit është i njohur për policinë e Kosovës dhe atë shqiptare. Operacioni do të vazhdojë me kontrolla të rëndomta”./teve1.info
