Gjatë 24 orëve të fundit, shtatë raste të dhunës në familje janë raportuar në Kosovë, duke përfshirë komunat e Obiliqit, Prishtinës, Pejës dhe Gjakovës.
Sipas raportit ditor të Policisë së Kosovës, të gjithë të dyshuarit janë liruar në procedurë të rregullt, ndërsa një person ndodhet ende në arrati.
Në Obiliq, një burrë është arrestuar pasi dyshohet se ka sulmuar fizikisht bashkëshorten e tij pas një mosmarrëveshjeje.
Të dy palët kanë pranuar trajtim mjekësor dhe më pas janë intervistuar nga autoritetet kompetente.
“Obiliq 05.04.2026-08:50. Është arrestuar i dyshuari mashkull kosovar pasi që, i njëjti pas një mosmarveshje ka sulmuar fizikisht bashkëshorten e tij viktimën f/k. Palët janë shoqëruar në stacionin policor, të njëjtit kanë pranuar tretman mjekësor. Pas intervistimit me vendim të prokurorit rasti procedohet në procedurë të rregullt”, njofton Policia.
Në Prishtinë janë raportuar tri raste të ndara.
Në njërin prej tyre, një grua dyshohet se është sulmuar fizikisht nga bashkëshorti i saj.
“Prishtinë 05.04.2026-02:30. Dyshohet se pas një mosmarrëveshje viktima f/k është sulmuar fizikisht nga bashkëshorti i saj i dyshuari m/k. Palët janë shoqëruar në stacionin policor dhe të njëjtit kanë pranuar tretman mjekësor dhe pas intervistimit me vendim të prokurorit rasti procedohet në procedurë të rregullt”, njofton Policia.
Në rastin tjetër, një vajzë ka raportuar se është sulmuar nga i dashuri i saj, ndërsa rasti mbetet nën hetime.
“Prishtinë 05.04.2026-23:15. Dyshohet se pas një mosmarrëveshje ankuesje f/k është sulmuar fizikisht nga i dashuri i saj i dyshuari m/k. Pala ankuese është intervistuar. Rasti nën hetime”, njofton Policia.
Ndërkohë, një çift bashkëshortor është përfshirë në një përleshje fizike pas një incidenti në garazhin e banesës, duke pësuar lëndime dhe duke marrë trajtim mjekësor.
“Prishtinë 05.04.2026-23:10. Raportohet se pas një aksidenti në garazhin e banesës qifti bashkëshortor të dyshuarit kosovar kanë sulmuar fizikisht njëri tjetrin. Të dyshuarit kanë pranuar tretman mjekësor. Pas intervistimit me vendim të prokurorit palët janë liruar në procedurë të rregullt”, njofton Policia.
Dy raste janë raportuar në Pejë.
Në njërin prej tyre, një person dyshohet se ka ushtruar dhunë psikike dhe ka kanosur babanë e tij; i dyshuari ndodhet në arrati.
“Pejë 05.04.2026-08:20. Dyshohet se i dyshuari m/k i kishte shkaktuar dhunë psikike dhe e kishte kanosur babin e tij m/k. Viktima nuk ka pranuar tretman mjekësor, ndërsa i dyshuari gjendet në arrati”, njofton Policia.
Në rastin tjetër, një çift bashkëshortor është përfshirë në përleshje fizike pas një mosmarrëveshjeje, ku gruaja ka pësuar lëndime të lehta trupore.
“Pejë 05.04.2026-12:50. Është raportuar se pas një mosmarrëveshje janë përleshur në mes vete dy të dyshuar një femër dhe një mashkull kosovar/e, burrë e grua. E dyshuara ka pranuar tretman mjekësor, ndërsa të njëjtit janë shoqëruar në stacionin policor dhe pas intervistimit me vendim të prokurorit rasti procedohet në procedurë të rregullt”, njofton Policia.
Ndërkaq, në Gjakovë, një person është arrestuar pasi dyshohet se ka pasur një përplasje verbale me motrën e tij, e cila është trajtuar si rast i dhunës në familje.
“Gjakovë 05.04.2026-22:00. Është arrestuar i dyshuari m/k pasi që, i njëjti kishte pasur diskutim me tone të larta me motrën e tij viktimën femër. Me urdhër të prokurorit është inicuar rasti i larcekur, ndërsa i dyshuari pas intervistimit është liruar në procedurë të rregullt”, njofton Policia.
