Shtatë persona janë rrahur mes vete si pasojë e një mosmarrëveshjeje mes veti të hënën në Lipjan.
Sipas raportit të policisë, gjatë rrahjes është përdorur thika, ku dy nga shtatë personat janë lënduar dhe kanë pranuar tretman mjekësor në QKUK.
Policia ka bërë të ditur se me vendim të prokurorit shtatë personat janë arrestuar dhe pas intervistimit një i dyshuar i mitur është ndaluar për 24 orë, kurse një tjetër për 48 orë.
“Resinoc, Lipjan 25.11.2024-22:40. Raportohet se pas një mosmarrëveshje rreth rrjeteve sociale, janë rrahur mes veti 7 persona të dyshuar meshkuj/kosovar. Gjatë rrahjes është përdor edhe një thikë ku si pasoj lëndime trupore kanë pësuar dy persona të cilët kanë pranuar tretman mjekësor në QKUK. Me vendim të prokurorit janë arrestuar shtatë persona të dyshuarit, dhe pas intervistimit një i dyshuar i mitur ndalohet 24 orë, ndërsa një i dyshuar ndalohet për 48 orë. Të dyshuarit tjerë lirohen në procedurë të rregullt”, thuhet në raport./teve1.info/
