Shërbimi Spitalor, Klinik dhe Universitar i Kosovës ka reaguar pas vendimit për ndalimin e operacioneve – programit të ftohtë gjatë muajve te verës në Spitalin Rajonal të Gjakovës, për shkak të “temperaturave të larta, pushimeve vjetore dhe mungesës së kushteve optimale për punë”.
Nga ShSKUK kanë thënë se do t’i ndërmarrin të gjitha veprimet e nevojshme për të ofruar shërbime për qytetarët e Gjakovës.
“Menaxhmenti i ShSKUK-së, do të ndërmarrë të gjitha veprimet e nevojshme, konform kompetencave ligjore që ka, për të ofruar shërbime shëndetësore për qytetarët e rajonit të Gjakovës”, thuhet në komunikatë.
ShSKUK po ashtu ka dënuar sulmin ndaj ekipit medial të gazetës online Nacionale, nga punëtori i sigurimit të këtij spitali.
“Së shpejti do të bëhen publik hapat që do të ndërmerren në Spitalin e Gjakovës”, njofton ShSKUK.