Thirren “Shqiponja”. U nisën nga Zvicra me motorë dhe erdhën në Kosovë.
Pikë ndalese e patën edhe Prekazin. Për t’i pritur doli, Rifat Jashari, i cili i mori i përqafoi një nga një.
Jashari u interesua edhe se si kaluan në udhëtimin prej mbi dy mijë kilometrash.
16 motoristët nga Kosova e Maqedonia e Veriut, u nisën për turne në tokat shqiptare.
E për këtë turne, ata vendosën t’i shpenzojnë ditët e pushimit vjetor.
Grupit, në kufi me Maqedoninë e Veriut nga rastësia iu bashkua edhe një gjerman.
“Në kufi desha ta paguaj tiketën e motorit dhe aty takova dy shqiptarë. Më lanë përshtypje dhe më morën me vete për të ma treguar vendin. Po më befason popullsia këtu- paska shumë rini dhe shumë të sjellshëm”, tha Dominic Treebac, turist gjerman.
Për këtë turne, shpenzimet llogariten të kapin shifrën për secilin nga mbi 2 mijë euro.
Raporti i gazetares Florijeta Dernjani.
