Pas Berat Gjimshitit, Kombëtares së Shqipërisë do t’i mungojnë të paktën edhe dy futbollistë tjerë për ndeshjet e këtij muaji në kuadër të Ligës së Kombeve.
Bëhet e ditur se Shqipëria do të jetë edhe pa Marash Kumbullën dhe Keidi Baren, të cilët sikurse Gjimshiti ishin përfshirë në listën e selektorit Sylvinho.
Edhe Kumbulla e Bare do të mungojnë ndaj Çekisë e Ukrainës për shkak të lëndimeve, ndërsa në dyshim mbetet edhe sulmuesi Rey Manaj, i cili do t’i nënshtrohet kontrollimeve mjekësore përpara se të merret një vendim përfundimtar.
Shqipëria këtë muaj do t’i luaj dy ndeshjet e fundit në Ligën e Kombeve, të cilat janë tejet të rëndësishme për vendin e parë në grup.
Të shtunën do të përballet me Çekinë kurse tri ditë më vonë do të luaj edhe me Ukrainën, ndërsa të dyja ndeshjet do ti zhvilloj në stadiumin “Air Albania” në Tiranë.
