Shqipëria do të luajë ndeshjen e parë kualifikuese të Kupës së Botës 2026 në transfertë.
Kuqezinjtë do të sfidojnë Anglinë në “Wembley” ditën e premte në orën 20:45.
Një përballje shumë e rëndësishme për ekipin e Sylvinhos, që do të tentojë në Londër të marrë një rezultat pozitiv.
UEFA ka vendosur që këtë sfidë ta gjykojë një arbitër spanjoll. Alejandro Hernandez i është besuar kjo përballje, i cili do të ndihmohet nga Jose Naranjo dhe Diego Sanchez Rojo.
Ndërkohë arbitër i 4-të do të jetë Alejandro Muniz Ruiz, teksa VAR-i do të jetë në dorën e Cesar Soto Grado dhe në AVAR është Valentin Gomez.
Një arbitër mjaft i njohur në Spanjë dhe në arenën ndërkombëtare, duke gjykuar një sërë sfidash në karrierën e tij.
