Në stadiumin “Duboçica” sonte në Leskovc ka nisur dueli i rëndësishëm për Kombëtaren e Shqipërisë në rrugëtimin e saj drejt Botërorit 2026.
Kuqezinjtë e udhëhequr nga braziliani Sylvinho përballen me Serbinë kundërshtarin e radhës së grupit K, në të cilin prin Anglia me 15 pikë nga pesë ndeshje të zhvilluara, raporton KosovaPress.
Tri pikë janë të rëndësishme për pozitën e dytë në grup, në mënyrë që kuqezinjtë të sigurojnë play-offin për Botërorin 2026, por edhe një pikë do të mjaftonte, duke mbajtur gjallë gjasat për sfidat e radhës.
