Kombëtarja e Shqipëria do të jetë në të njëjtin grup me Serbinë për kualifikim në Botërorin e vitit 2026.
Në shortin e tërhequr të premten, është përcaktuar që Shqipëria të jetë pjesë e Grupit K, i cili përbëhet prej pesë kombëtareve.
Krahas Shqipërisë e Serbisë, në këtë grup janë edhe Anglia, Letonia dhe Andorra.
Shqipëria dhe Serbia kanë një histori të hidhur nga kualifikimet e Evropianit 2016 kur ndeshja në Beograd e luajtur më 14 tetor të vitit 2014 ishte ndërprerë kur në fushë ishte paraqitur një flamur me simbole patriotike shqiptare, duke quar në përleshje të futbollistëve të fushë.
Megjithatë, duket se të dyja federatat, si e Shqipërisë ashtu edhe ajo e Serbisë tashmë kanë harruar këtë incident pasi do ta organizojnë së bashku Kampionatin Evropian për grupmoshën U21 në vitin 2027.
