Kombëtarja e Shqipërisë ka marrë vetëm një pikë në udhëtim te Letonia me të cilën skuadër luajti baras 1:1.
Ndeshja e vlefshme për kualifikimet e Kupës së Botës 2026, në SHBA, Kanada dhe Meksikë, pati tri momente vendimtare vetëm gjatë 45 minutëshit të parë.
Fillimisht portieri Thomas Strakosha shpëtoi Shqipërinë kur në minutën e 21-të priti penalltinë.
Vetëm tetë minuta më pas, kuqezinjtë shënuan golin për 1:0. Pas harkimit të Arbër Hoxhës, Rey Manaj bëri presion te mbrojtja letoneze. Dhe autogol shënoi Cernomordijs.
Në fund të pjesës së parë Cernomordijs barazoi rezultatin për vendësit.
Në pjesën e dytë pati pak përpjekje dhe megjithë zëvendësimet e vonshme të Sylvinhos rezultati nuk ndryshoj.
Shqipëria është e dyta e grupit K me 5 pikë, katër më pak se Anglia lidere dhe një më shumë se se Letonia e Serbia.
