Festa ende nuk ka mbaruar pas fitores historike të Kombëtares së Shqipërisë në Tbilisi, i gjithë fokusi është kthyer te ndeshjet e muajit të ardhshëm, me të cilat edhe mbyllet kjo kampanjë e Ligës së Kombeve.
Shqipëria brenda tri ditëve të muajit nëntor, do t’i luaj dy ndeshje në stadiumin “Air Albania” në Tiranë, ku më 16 do të përballet me Çekinë dhe më 19 me Ukrainën.
Duke pasur parasysh rëndësinë e madhe të këtyre ndeshjeve, ku Shqipëria me fitore eventuale mund të ngjitet nga Liga B në Ligën A, stadiumi pritet të jetë i stërmbushur.
Tifozët shqiptar po vazhdojnë të pajisen me bileta për të dy ndeshjet, të cilat startojnë prej orës 20:45.
Mediumet nga Shqipëria kanë njoftuar se deri më tani për ndeshjen me Çekinë janë shitur mbi 17 mijë bileta kurse për duelin me Ukrainën shifra e biletave të shitura ka kaluar mbi 13 mijë.
Kapacitet i stadiumit “Air Albania” është 22 mijë e 500 ulëse ndërsa Kombëtarja e Shqipërisë pritet të ketë përkrahje të fuqishme nga tribunat drejt fitoreve.
