Kombëtarja e Shqipërisë në futboll, të mërkurën mbrëma ka mbyllur përgatitjet për ndeshjen e nesërme ndaj Andorrës, që do të luhet në orën 20:45.
Kuqezinjtë e drejtuar nga trajneri Silvinjo zhvilluan një seancë të plotë stërvitore, ndërsa të gjithë lojtarët janë gati për sfidën ndaj Andorrës.
“Atmosfera brenda grupit është shumë pozitive dhe i gjithë ekipi dhe stafi është i motivuar për të zhvilluar një ndeshje të mire”, ka shkruar Federata Shqiptare e Futbollit (FSHF).
Sfida ndaj Andorrës është e parafundit në kualifikueset e Botërorit 2026, ndërkohë që më datë 16 nëntor kuqezinjtë do të përballen me Anglinë në stadiumin “Air Albania” të Tiranës në duelin e fundit të kësaj fushate kualifikuese në Grupin K.
Te Shqipëria, janë shprehur optimistë për fitore ndaj Andorrës, në mënyrë që të bëjnë edhe një hap më shumë drejt konfirmimit të pozitës së dytë në grup, e cila siguron fazën play-off.
