Ministria për Evropën dhe Punë të Jashtme e Shqipërisë, ka njoftuar se i ka dërguar Notë Verbale ambasadorti të Britansië së Madhe në Shqipëri, ndaj siç është thënë të gjuhës diskriminuese dhe urrejtje ndaj shqiptarëve nga ministri i Shtetit për Imigrimin Robert Jenrick.
Sipas ministrisë kjo deklaratë e cenon bashkëpunimin ndërmjet dy vendëve
“Përmes kësaj Note, MEPJ paraqiti shqetësimin për deklaratën më të fundit me gjuhë diskriminuese ndaj shqiptarëve nga ana e Ministrit të Shtetit për Imigrimin Robert Jenrick. MEPJ theksoi se kjo retorikë e përsëritur cënon frymën pozitive të bashkëpunimit bilateral të konfirmuar në Deklaratën e Përbashkët mes Kryeministrit të Republikës së Shqipërisë Edi Rama dhe Kryeministrit Britanik Rishi Sunak, në të cilën ndër të tjera ndahet vlerësimi i përbashkët për rolin e diasporës shqiptare në Britaninë e Madhe dhe kontributin e saj të rëndësishëm në kulturën, ekonominë dhe shoqërinë e të dy vendeve”, thuhet në komunikatë.
Ministria për Evropën dhe Punët e Jashtme siç thuhet në komunikatë, kërkon shmangien e kësaj gjuhe urrejtjeje dhe diskriminimi dhe vijimin e dialogut edhe bashkëpunimit konstruktiv për të vënë në jetë angazhimet e ndërmarra së bashku si dy vende demokratike, partnere e aleate në organizmat ndërkombëtare.
“Të dy vendet tona janë angazhuar përmes Deklaratës së Përbashkët që të nxisin më tej marrëdhëniet e bashkëpunimit në një gamë të gjerë fushash me fokus rininë, inovacionin, turizmin, arsimin dhe investimet strategjike të Mbretërisë së Bashkuar në Shqipëri”, thuhet në komunikatën për media.
Gjatë deklaratës së tij, Jenrick e vendosi theksin te gjuetia e gjetjes së emigrantëve shqiptarë, ndalimi e më pas deportimi i tyre nga UK Border Agecency, Agjencia Britanike e Kufirit.
Ky deklarim i ministrit Jenrick, është bërë në momentin kur 43 shqiptarë, mes tyre emigrantë ilegalë dhe disa të tjerë që kishin mbaruar dënimet në burgjet angleze, po dëboheshin drejt Tiranës./teve1.info/
