Shqipëria është kthyer në garë për kualifikim në Kupën e Botës së vitit të ardhshëm.
Shqipëria i ka tetë pikë nga pesë ndeshje, ndërsa Serbia mbetet me shtatë pikë nga katër ndeshje. Në grup udhëheq Anglia me 15 pikë. Letonia i ka katër e Andorra është pa pikë.
Një gol nga penalltia e vendosi sfidën mes Shqipërisë dhe Letonisë.
Kristjan Asllani shënoi me goditje nga pika e bardhë në minutën e 25-të. Penalltia u dha për lojë me dorë.
