Deputetja e Lëvizjes Vetëvendosje, njëkohësisht bashkëshortja e Rexhep Selimit, është bashkuar me motoristët që marshuan nga Prishtina dhe shtetet e tjera të Evropës drejt Hagës, për të kërkuar drejtësi për ish-krerët e UÇK-së që po gjykohen në Gjykatën Speciale.
Selimi ka shkruar në profilin e saj se “Jehona e motoristëve shqiptarë nga e gjithë Evropa dëgjohet fuqishëm në rrugët që ata i përshkruan me krenari për UÇK-në.”
Gjithashtu, deputetja Shqipe Selimi ka publikuar disa foto ku shihet mes motoristëve që po marshojnë.
Ndryshe, katër ditë më parë, rreth 150 motoristë shqiptarë nga Kosova dhe shtete të ndryshme të Evropës, pjesë e platformës “Liria ka Emër”, nisën marshin me motoçikleta me thirrjen e vetme “Drejtësi për ish-krerët e Ushtrisë Çlirimtare të Kosovës” të cilët po gjykohen në Hagë.
Ndërkohë, të dielën ish-nënkryetari i Organizatës së Veteranëve të Luftës (OVL UÇK), Nasim Haradinaj ka njoftuar se grupi i motoristëve që nisën marshimin nga Prekazi ka arritur në destinacion.
Motoristët defilues arrijnë afër Hagës, Haradinaj: Bubullima do të dëgjohet në çelit e çlirimtarëve
