Sonte me fillim të orës 21:00, zhvillohet dueli më i rëndësishëm i kombëtares shqiptare deri më tani në këtë evropian.
Kuqezinjtë, do të ken përball liderin e grupit, Spanjën, ku stuhia e kuqe veq se e ka siguruar vendin e parë.
Në këtë takim, trajneri i “Stuhis së kuqe”, Luis de la Fuente ka vendosur të pushoj formacionin bazë, dhe të luaj me rezervistët që kishin më pak minuta.
Te kombëtarja jonë, vetëm sulmuesi Mirlind Daku nuk do të jetë në dispozicion të trajnerit Sylvinho për shkak të pezullimit nga Komisioni i UEFA-s me dy ndeshje, teksa të gjithë të tjerët janë të gatshëm.
Te spanjollët mesfushori i Manchester Cityt, Rodri do të mungoj shkak i kartonëve, teksa atij do ti bashkohen dhe Nacho Fernandez dhe Ayoze Perez, si shkak i lëndimeve,
Trajneri Sylvinho, në konferencën e fundit për media që u mbajt të dielën, tha se formacionin pothuajse e ka të kompletuar në mendjen e tij, si dhe dha fjalë të mëdha për lojtarët.
“Kemi lojtarë shumë të mirë, ka të bëjë me forcën dhe dashurinë që kanë për vendin, jam falënderuar për lojtarët që kanë besuar tek ne dhe për të ecur tutje. Pothuajse e kemi gati 11-shen startuese, do kemi një stërvitje nesër do të flasim me lojtarët dhe do të shohim. Spanja mund të luajë me titullarët ose zëvendësuesit, por nuk ndryshon për ne, shfrytëzojmë rastet që do të kemi. Jemi këtu për të luajtur futboll në këtë kompeticion, nuk duhet të shpenzojmë energjinë në ndonjë gjë tjetër përveç Spanjës e cila duhet të jetë ndeshje e përkryer. Nuk mund të flas për vendimin e UEFA-s”
Nga tabori kundërshtar, Luis De La Fuente theksoi se do të bëjë vetëm ato ndryshime që ai i sheh të arsyeshme, ndërsa shtoi se në ndeshjen me Shqipërinë do të zbresë në fushë një skuadër shumë konkurruese.
Shqipëria me Spanjën do të ndeshen në Duserdolf, ku Kuqezinjtë së bashku me Kroacinë kanë nga një pikë në grup, pesë më pak se Spanja që është e para kurse Italia ka 3 sosh.
Kujtojmë se Shqipëria në rast fitoreje ndaj Spanjës dhe nëse Kroacia fiton ndaj Italisë, do të kualifikohej si e dyta nga Grupi B.
