Dëmet që i la pas një shpërthim i bombolës së gazit brenda një shtëpie banimi në Bair të Mitrovicës janë të mëdha.
E si pasojë e kësaj, tre persona mbetën të lënduar.
E gjithë ngjarja ndodhi rreth orës 17:00 në pasditen e së hënës, ndërsa shpërthimi dyshohet se erdhi nga një bombolë gazi.
Të lënduarit, dy persona të gjinisë mashkullore dhe një grua, u bartën me urgjencë në Qëndrën Emergjente në Spitalin e Përgjithshëm në Mitrovicë.
Për këtë arsye, tre të lënduarit u transportuan në Qendrën Klinike Universitare në Prishtinë.
Nga këtu për Tëvë1.info kanë thënë se të lënduarit janë në gjendje stabile, ndërsa po trajtohen ne Kirurgjinë Plastike.
Ndërsa, rastin e kanë konfirmuar edhe nga Policia e Kosovës.
“Rreth orës 16:55, policia ka pranuar informatë se si pasoj e një shpërthimi në një shtëpi në rrugën ‘Ali Pashë Tepelena” në Mitrovicë, tre persona kanë pësuar lëndime, të lënduarit janë dërguar për tretman mjekësor në Spitalin Rajonal të Mitrovicës. Bazuar në informatat e para dyshohet se shpërthimi ka ndodhur nga një bombolë gazi”, ka thënë zëdhënësi i PK-së për rajonin e Mitrovicës, Avni Zahiti.
Në fund, nga policia thonë se po merren me trajtimin e rrethanave që çuan drejt kësaj ngjarje
