Tre autobusë kanë shpërthyer në Bat Yam, në jug të Tel Avivit, ka njoftuar Policia e Izraelit
Pajisjet në dy autobusë të tjerë nuk arritën të shpërthejnë, thane nga policia duke shtuar se “forca të mëdha policore janë në vendngjarje, duke kërkuar për të dyshuar”.
Ministri i Transportit Miri Regev ndaloi të gjithë autobusët, trenat dhe trenat e lehtë në vend në mënyrë që të mund të kryheshin kontrolle për mjete shpërthyese, thanë mediat izraelite, raporton BBC, e cila thekson se sipas policisë dyshohet për sulm terrorist.
Pamjet në mediat sociale tregojnë të paktën një autobus në zjarr në një parking, me një shtëllungë të madhe tymi që ngrihet sipër.
Nuk ka raportime për viktima në këtë fazë, tha policia.
Kryeministri izraelit Benjamin Netanyahu ishte duke u përditësuar mbi situatën, tha zyra e tij në një deklaratë.
Autoritetet po i bëjnë thirrje publikut që të shmangë zonat dhe të qëndrojë vigjilent për sende të dyshimta.
