Një shpërthim në një fabrikë municionesh në rajonin rus të Uralit ka shkaktuar vdekjen e 12 personave, ka njoftuar guvernatori lokal, Alexei Teksler.
Sipas tij, edhe 19 persona të tjerë janë plagosur në ngjarjen që ndodhi në rrethin Kopeisk të rajonit Chelyabinsk, i cili kufizohet me Kazakistanin.
Edhe pse guvernatori nuk specifikoi se cila fabrikë u përfshi, pamje të verifikuara nga BBC tregojnë një top zjarri të madh pranë uzinës Plastmass – një objekt që prodhon dhe riciklon eksplozivë për ushtrinë ruse.
Shkaku i shpërthimit ende nuk është bërë i ditur, por Teksler theksoi se “incidenti nuk ishte një sulm me dron”.
