Shpërthimi i parë ndodhi pranë një stacioni autobusi në buzë të qytetit, ku udhëtarët zakonisht grumbullohen duke pritur për autobusë.
Shpërthimi i dytë u nis rreth gjysmë ore më vonë në Ramot, një vendbanim në veri të Jerusalemit.
Policia tha se një person vdiq nga plagët e marra dhe të paktën tre u plagosën rëndë nga shpërthimet.
Mediet izraelite raportuan se personi i vrarë ishte 16 vjeç.
Sulmet e dyshuara erdhën pasi tensionet izraelito-palestineze janë të larta, pas disa muajsh bastisjesh izraelite në Bregun e pushtuar Perëndimor.
Dhuna vjen gjithashtu ndërsa ish-kryeministri izraelit Benjamin Netanyahu po zhvillon bisedime për koalicionin pas zgjedhjeve kombëtare dhe ka të ngjarë të kthehet në pushtet si kreu i asaj që pritet të jetë qeveria më e djathtë e Izraelit ndonjëherë.
Më shumë se 130 palestinezë janë vrarë në luftimet izraelito-palestineze në Bregun Perëndimor dhe Jerusalemin lindor këtë vit, duke e bërë vitin 2022 vitin më vdekjeprurës që nga viti 2006, shkruan Associated Press, transmeton Tëvë1.
