Një shpërthim me lëndë plasëse ndodhi gjatë orëve të para të mëngjesit të sotëm në zonën e Laprakës në Tiranë.
Burime zyrtare të policisë thonë se lënda plasëse shpërtheu në rrugë, për pasojë u dëmtuan xhamat e një biznesi në rrugë. Rrethanat e ngjarjes momentalisht nuk janë të qarta.
“Më datë 21.11.2023, rreth orës 04.50, në rrugën “Dritan Hoxha”, në Laprakë, (në rrugë) dyshohet se ka shpërthyer një sasi lënde plasëse dhe si pasojë e shpërthimit janë dëmtuar xhamat e një biznesi përreth. Grupi hetimor po punon për sqarimin e rrethanave të ngjarjes”, tha policia në një njoftim paraprak për mediat.
Ndërkohë, gazetari Besar Bajraktaraj mëson se autori i dyshuar e ka hedhur sasinë e lëndës plasëse nga makina dhe më pas është larguar.
“Sasia ka qenë e vogël dhe ka thyer vetëm xhamat e lokalit. Pronari ka deklaruar se nuk ka ndonjë ide konkrete kush mund të jenë autorët, por dyshimet i ka hedhur te konkurrenca ose ndonjë klient i pakënaqur’, raporton gazetari./tvklan.al
