Në Stagovë të Kaçanikut është bërë shpërthimi në mënyrë të kontrolluar i një mjeti që i përkiste Luftës së Dytë Botërore.
Shpërthimi është bërë nga KFOR -i nën masa të larta sigurie, ku të pranishëm kanë qenë edhe Policia e Kosovës.
Mjeti ishte gjetur ditë më parë nga një qytetar më 29 prill
Policia e Kosovës ka thënë se operacioni i shpërthimit është bërë me sukses.
“Më datë 02.05.2025, në ora 12:35 në fshatin Stagovë të Kaçanikut, në lagjen “Teneqja”, është realizuar me sukses eksplodimi i kontrolluar i një predhe të dyshuar si e mbetur nga Lufta e Dytë Botërore. Operacioni është kryer nga njësitë e KFOR-it, në bashkëpunim me Policinë e Kosovës, stacioni në Kaçanik. Për sigurinë e qytetarëve, ishte vendosur një perimetër sigurie prej 1000 metrash përreth vendit të ngjarjes.Operacioni ka përfunduar dhe deri në këto momente nuk raportohet për ndonjë incident apo rrezik për banorë”, thuhet nga policia.
