Më 23 dhe 24 Mars në Prishtinë do të organizohet “Final 4” i Ligës Unike në konkurrencën e femrave.
Në këtë “Final 4” marrin pjesë katër skuadrat më të mira të kësaj lige: Prishtina, Bashkimi, Penza dhe Flamurtari.
Dy gjysmëfinale shumë interesante priten mes Penzës dhe Bashkimit, si dhe Prishtinës e Flamurtarit. Por Liga Unike, ka zbuluar edhe shumat të cilët pritet të përfitojnë skuadrat në gjysmëfinale dhe finale.
“Në konkurrencën e femrave Liga Unike do të ofrojë shpërblime për dy gjysmëfinalistët nga 1.500€, për finalistët nga 3.000€ dhe për klubin i cili shpallet Kampion i Ligës Unike do të ndahen 6.000€ (15.000€ gjithsej)”, shkruhet në komunikatën e Ligës Unike.
Ky është edicioni i parë dhe historik i Ligës Unike te femrat, ku do të mësohet kampioni i parë i kësaj gare.
/Tëvë1/
