Aktakuza i ishte ngritur një vit më parë.
Dragan Ristiq akuzohej për krime lufte kundër popullsisë civile në Kosovë.
Por këtë të mërkurë, akuzat që rëndonin mbi të u hodhën poshtë.
Kjo pasi, Gjykata Themelore në Prishtinë, vendosi ta shpallë atë të pafajshëm.
Në shpalljen e aktgjykimit, Ristiq nuk ishte prezent në sallë.
“I akuzuari Dragan Ristiq me shënime personale në mëbshtetje të neniit 63 të paragrafit 1, nënpar.1.3., të Kodit të Procedurës Penale lirohet nga akuza për veprën penale ‘Krime lufte kundër popullatës civile’”, ka thënë Beqiri.
Gjyqtari Beqiri tha se nuk është arritur të vërtetohet fajësia e të akuzuarit.
Madje ai shton se as nga dëshmitarët nuk është përmendur emri i Risiqit për veprat për të cilat akuzohet nga Prokuroria Speciale.
“Dëshmitarja Ryve Lokaj në deklaratën e dhënë në polici nuk e përmend fare të akuzuarin Dragan Ristiq, dëshmitari Enver Dylan në deklaratën e datës 25.07.2019 e përshkruan në tërësi ngjarjen përfshirë edhe pjesën te Ura Silam Begu por nuk e përmend se ka qenë i akuzuari as në dek tjetër në Polici të vitit 2025 nuk e përmend të akuzuarin, vetëm i përshkruan dy persona një i ri një i vjetër dhe pastaj në bazë të albumit me foto e identifion si një nga këta persona të akuzuarin”, u shpreh tutje Beqiri.
Këtë vendim, Prokuroria Speciale e Kosovës ka njoftuar se do ta ankimojë në Gjykatën e Apelit.
Sipas Prokurorisë, në periudhën 1998-99, në kohën e luftës në Kosovë në Gjakovë, Ristiq akuzohej se në bashkëkryerje me pjesëtarë tjerë të forcave policore ushtarake ka marrë pjesë në vrasje, keqtrajtime fizike e psikike të nacionalitetit shqiptar.
