FC Prishtina 01 ka shënuar fitore ndaj FC Malisheva me rezultat 20-5 në kuadër të xhiros së 18-të, apo të fundit të kampionatit të rregullt në Superligën e Kosovës.
Drilon Maxharraj ishte në formë fantastike sot, duke realizuar 11 gola në këtë fitore.
Fatbardh Abazi shtoi një het-trik, ndërsa Halim Selmanaj gjeti rrjetën dy herë.
Nga një gol ne fitore shtuan edhe Malush Qerimi, Ermir Kryeziu, Dren Gjinovci dhe Ari Kaqanolli.
Kjo ishte fitorja e 15-të sezonale, derisa skuadra ka edhe tri barazime por asnjë humbje në këtë edicion.
Me 48 pikë, Prishtina 01 përfundon në vendin e parë dhe pret në gjysmëfinale kundërshtarin nga play-offi.
