Një 35 vjeçar në Kaçanik është shoqëruar në Polici të dielën pasi ka shtënë me armë zjarri në një aheng familjar.
Në njoftim thuhet se arma është konfiskuar ndërsa i dyshuari pas intervistimit është liruar.
Rasti me vendim të prokurorit të shtetit është iniciuar si “përdorim i armës apo mjetit të rrezikshëm”.
“Më datë 04.05.2025, rreth orës 19:30, gjatë patrullimit në fshatin Begrac, policët kanë dëgjuar dy të shtëna armësh që vinin nga një aheng familjar. Menjëherë policët kanë reaguar dhe kanë shkuar në vendin e ngjarjes. Në vendngjarje është identifikuar personi F. S., 35 vjeç, i cili ka pranuar se kishte shtënë me armë zjarri, të cilën e kishte me leje. Arma është konfiskuar (pa municion), ndërsa i dyshuari është shoqëruar në stacionin policor për intervistim nga njësia e hetimeve. Lidhur me rastin është njoftuar prokurori i shtetit, i cili ka udhëzuar të iniciohet rasti për veprën penale “Përdorim i armës apo mjetit të rrezikshëm”. Pas intervistimit, personi është liruar, ndërsa rasti do të procedohet në mënyrë të rregullt”, thuhet në njoftim.
