Dy persona që kanë qëndruar në hapësirat e jashtme të Gjykatës në Ferizaj janë shoqëruar për verifikim nga Policia e Kosovës.
Të njëjtit nuk posedonin dokumente për t’u legjitimuar kur iu kërkua nga zyrtarët policorë.
Rasti lidhet me vrasjen e rreshterit policor Muhamed Lika, ku tashmë edhe po mbahet seanca ndaj të dyshuarve.
Lajmin për teve1.info e ka konfirmuar zëdhënësi i Policisë së Kosovës për rajonin e Ferizajt, Kanun Veseli.
“Po janë shoqëruar në polici për tu verifikuar. Nga ta fillimisht është kërkuar që të identifikohen por nuk kanë pasur dokumente me vete”, tha Veseli.
Ndërkohë, seanca për gjashtë të arrestuarit nën dyshime për organizimin e vrasjes së rreshterit Muhamed Lika po mbahet e mbyllur.
Ndaj tyre tashmë është kërkuar edhe paraburgimi prej 30-ditësh. /teve1.info/
Nën masa të rrepta sigurie dërgohen në gjykatë të dyshuarit për vrasjen e rreshterit Lika
Kërkohet paraburgim ndaj gjashtë të dyshuarve për vrasjen e rreshterit Lika
