Dy persona janë shoqëruar në Polici para fillimit të ndeshjes Kosovë – Izrael, të cilët sipas PK-së nuk kanë respektuar rregullat e parapara për hyrje në stadium.
PK ka bërë të ditur se ndaj tyre kanë vazhduar procedurat e mëtjeme në bashkëpunim me organet e drejtësisë.
“Policia e Kosovës me njësitet e saja relevante, po vazhdon angazhimet sipas planit operacional për mbarëvajtje dhe ofrim të sigurisë lidhur me ndeshjen sportive në mes të Kosovës dhe Izraelit. Gjatë realizimit të detyrave policore mund të konfirmojmë se dy persona meshkuj kosovarë, të cilët kanë rënë në kundërshtim me rregullat e parapara për hyrje në stadium, të njëjtit janë shoqëruar në stacion policor, për të vazhduar me procedurat e mëtejme në bashkëpunim dhe koordinim me organet e drejtësisë”, thuhet në komunikatë.
Policia në bazë të planit operacional ka shtuar masat e sigurisë para kësaj ndeshje.
Kosovë – Izrael zhvillohet në stadiumin “Fadil Vokrri” në Prishtinë, në kuadër të kualifikimeve për “Euro2024” ./teve1.info/
