Inspektorati i Policisë së Kosovës ka rekomanduar suspendimin e tre policëve të cilët janë parë në shoqërinë e të dyshuarit për nxitje të vrasjes së ish-pjesëtarit të Policisë së Kosovës, Triumf Riza, raporton teve1.info
Sipas komunikatës për medie të IPK-së, lidhur me këtë rast është informuar Prokuroria e Shtetit derisa veprimet tjera hetimore do të merren bazuar në autorizimet ligjore të IPK-së.
“Inspektorati Policor i Kosovës respektivisht Departamenti i Hetimeve sipas detyrës zyrtare ka filluar hetimet ndaj tre zyrtarëve policorë të cilët sipas publikimit të një video në media ku bazuar në këtë video dyshohet janë në shoqërim të personave me të kaluar kriminale (shoqërim me personin e dyshuar për nxitje të vrasjes së ish-pjesëtarit të Policisë së Kosovës Triumf Riza).
Lidhur me rastin është informuar Prokuroria e Shtetit, ndërkaq në interes të zhvillimit të hetimit IPK ka rekomanduar suspendimin e tre zyrtarëve policorë. Veprimet e tjera hetimore do të ndërmerren sipas autorizimeve ligjore të IPK-së”, thuhet në komunikatë.
