Shoqatat e dala nga lufta-Organizata e Veteranëve të Luftës së UÇK-së, Shoqata e Invalidëve të Luftës dhe Shoqata e Familjeve të Dëshmorëve kanë njoftuar se nuk do të marrin pjesë në asnjë organizim të përbashkët me Qeverinë e Kosovës për Ditën e Çlirimit.
Sipas njoftimit këtë vendim e kanë marrë si shprehje të qëndrimit të tyre kundër siç thuhet ‘qasjes përbuzëse dhe mosrespektuese që kjo qeveri, e udhëhequr nga kryeministri Albin Kurti, ka treguar ndaj kategorive të dala nga lufta që nga ardhja e saj në pushtet’.
“Ftesës për pjesëmarrje i themi JO. Respekti për sakrificën dhe kontributin për liri nuk shprehet me fjalë, por me vepra”, thuhet në njoftimin në Facebook.
