Shoqata e Shërbyesve Civilë të Komunës së Prishtinës ka paralajmëruar protestë, e cila do të mbahet me datë 19 të këtij muaji prej orës 10.
Përmes një njoftimi, thuhet se ata kanë parashtruar disa kërkesa që deri më tani nuk janë përfillur nga Komuna e Prishtinë, derisa edhe kanë listuar ato.
“Nxjerrjen – Hartimin e Rregullores për Sistematizimin e Vendeve të Punës në administratën komunale, Zbatimin e vendimeve të Këshillit të Pavarur Mbikëqyrës të Shërbimit Civil të Kosovës, Zbatimin, ekzekutimin e akteve te Kuvendit te Komunës se Prishtinës, (vendimet për financimin e shujtave ditore për zyrtarë publik të Komunës së Prishtinës) nga Kryetari i Komunës se Prishtinës, Sigurimin e kushteve më të mira në punë për zyrtarët publik për të punuar dhe vepruar sipas detyrës zyrtare (ndalimin e ndikimit në punë, detyrë zyrtare të stafit të pranuar si konsulent, ekspertë etj.) e kërkesa te tjera”, thuhet në njoftim.
Po ashtu, bëhet e ditur se protesta do të mbahet para objektit të vjetër të Komunës së Prishtinës.
