Në orët e para të mëngjesit të sotëm ka ndodhur një vetaksident, në hyrje të Prishtinës.
Për teve1.info, zëdhënësja e Policisë së Kosovës për rajonin e Prishtinës, Flora Ahmeti, thotë se shoferi fillimisht dyshohet se qëllimisht ka shkaktuar aksident, pasi i njëjti kishte bërë vozitje të rrezikshme.
Më pas i njëjti nuk i ka përfillur urdhrat e policisë, ku me vozitje të rrezikshme ka vazhduar deri në Mazgit, që për pasojë, pastaj është vetaksidentuar rëndë.
“Personi i dyshuar në hyrje të Prishtinës, dyshohet se qëllimisht ka shkaktuar aksident trafiku dhe më pas duke mos përfillur urdhrat e policëve për ndalim, ka vazhduar po me vozitje të rrezikshme deri në fshatin Mazgit, ku dhe është vetë aksidentuar”, deklaroi Ahmeti.
Shoferi si pasojë ka marrë lëndime të rënda trupore, me ç’rast edhe është dërguar për tretman mjekësor.
Ndërkohë, policia thotë se kanë filluar trajtimin e informacioneve për të ndriçuar rrethanat që kanë karakterizuar rastin.
“Lidhur me këtë rast policia ka filluar trajtimin e informacioneve si dhe ka ndërmarrë verimet e nevojshme operativo-hetimore në përpjekje për të ndriçuar dhe sqaruar të gjitha rrethanat që kanë karakterizuar rastin”.
Ndërkaq, rasti është iniciuar “Shkaktim i rrezikut të përgjithshëm”, “Sulm” dhe “Dëmtim prone”./teve1.info/
