Një person ka mbetur i lënduar dhe tetë vetura të parkuara janë dëmtuar, pasi një automjet ka dalë nga rruga dhe i ka goditur ato me radhë, mbrëmjen e së premtes në rrugën “Jusuf Gërvalla” në Prishtinë.
Sipas njoftimit të Policisë së Kosovës, i lënduari është dërguar për trajtim mjekësor, ndërsa njësiti rajonal i trafikut ka nisur hetimet për rastin.
Zëdhënësja e Policisë për rajonin e Prishtinës, Flora Ahmeti, ka bërë të ditur se aksidenti ka ndodhur mbrëmë.
“Me 06.02.2026 rreth orës 23:45 jemi njoftuar për një aksident në rrugën ‘Jusuf Gërvalla’ në Prishtinë, ku një automjet ka humbur drejtimin dhe ka dëmtuar barrierat e rrugës si dhe 8 automjete të tjera të cilat ishin të parkuara para një qendre tregtare ne Kalabri. Si pasojë e aksidentit është lënduar një person i cili është dërguar për tretman mjekësor”, ka thënë ajo.
