Por, sipas njoftimit të Komunës së Vitisë, aty nuk është parë askush duke punuar dhe se porta e hyrjes ishte e mbyllur.
Nga atje, Haliti ka kërkuar nga Qeveria e Kosovës, konkretisht Ministria e Administratës Publike dhe Arsimit që “të bëhet zhbllokimi i të gjitha pengesave të ndryshme që po pamundësojnë përfundimin final të objektit të ri”.
“Kryetari Haliti edhe një herë ka kërkuar nga Qeveria e Republikës së Kosovës, konkretisht nga Ministria e Administratës Publike dhe Ministria e Arsimit, që të bëjnë çmos që urgjentisht të bëhet zhbllokimi i të gjitha pengesave të ndryshme që janë duke pamundësuar përfundimin final të objektit të ri e që është në kompetencë të tyre”, thuhet ndër tjerash në njoftim.
Tutje, ai ka bërë thirrje ndaj organeve kompetente që të bëhet një zgjidhje e shpejt në përfundimin e këtij objekti pasi që nxënësit po ndjekin mësimet me orar të shkurtuar.
Ndryshe, nxënësit e këtij lokaliteti mësimin po e zhvillojnë në një shkollë të vjetër në katër ndërrime me nga 20 minuta për orë./teve1.info/
