Të miturit brenda Qendrës Korrektuese në Lipjan shkollohen brenda këtij institucioni. Aty janë të ndara paralelet për mësim. Mirëpo, drejtori i kësaj qendre, Ismet Fekaj ka kërkuar që disa prej tyre të iu mundësohet ky proces në shkolla publike. Derisa njohësit e arsimit thonë se kjo është e arritshme mirëpo duhet të këtë kujdes në zbatim, njohësit e drejtësisë thonë se është e drejtë si kërkesë por jo e bazuar në ligj.
Këta të mitur në Qendrën Korrektuese në Lipjan, zhvillojnë mësimin brenda kësaj hapësire.
Megjithatë, kjo metodë po kërkohet të ndryshohet.
Drejtori i kësaj qendre, Ismet Fekaj ka bërë kërkese që disa të mitur të shkojnë në shkollë publike.
Fekaj tregon që janë duke pritur përgjigje definitive nga Drejtoria Komunale e Arsimit të Lipjanit.
E kjo kërkesë sipas avokatit Anton Nrecaj është e drejtë mirëpo jo e bazuar në ligj.
Nrecaj tregon që korniza ligjore e ka të rregulluar që këta fëmijë të zhvillojnë mësimin brenda Qendrave Korrektuese.
E njohësi i arsimit, Ismet Potera thotë se kjo gjë nuk është e paarritshme mirëpo duhet të ketë shumë kujdes në zbatim.
Sipas Poteres, varet se çfarë ndikimi mund të ketë kjo, për të mirë apo keq.
Televizioni ka dërguar përgjigje edhe në Ministrinë e Arsimit në lidhje me këtë çështje mirëpo të njëjtit nuk kanë kthyer përgjigje nëse kanë pranuar një kërkesë të tillë.
