Spanja ka nxjerrë një ligj të ri ku obligon ligjërisht të gjitha shkollat që të shërbejnë fruta dhe perime si pjesë të drekës së tyrë dhe peshk të paktën një herë në javë, duke synuar që të reduktojnë sasinë e ushqimeve të skuqura dhe yndyrore që u shërbehen fëmijëve.
Rregullat e reja janë sjellur me dekret mbretëror këtë javë, si pjesë e luftës kundër obezitetit të fëmijëve, dhe detyrojnë shkollat të ofrojnë ushqime vegjetariane dhe vegane.
Megjithëse Spanja është e famshme për dietën e saj mesdhetare, një studim i vitit 2019 zbuloi se 40% e fëmijëve spanjollë të moshës gjashtë deri në nëntë vjeç ishin mbi peshën e rekomanduar, dhe 17.3% u klasifikuan si obezë.
Një studim nga agjencia kombëtare e ushqimit të vendit në vitin 2023 zbuloi se 37% e shkollave po shërbenin vetëm dy ose më pak porcione me perime të freskëta në javë dhe shumë prej tyre shërbenin më shumë se maksimumi i rekomanduar prej dy porcionesh të ushqimit të skuqur.
ablo Bustinduy, ministri i konsumit dhe çështjeve sociale, tha se sipas ligjit të ri të paktën 45% e frutave dhe perimeve të shërbyera duhet të jenë sezonale dhe, në mënyrë ideale, të prodhuara në vend, me 5% të certifikuara organike.
Shkollat nuk do të lejohen më të shërbejnë pije me përmbajtje më shumë se 5% sheqer. Kufijtë janë vendosur edhe për përqindjet e kafeinës, yndyrave dhe kripës.
Spanja ka shkallën e gjashtë më të lartë të obezitetit në BE, me 20.3% për të rriturit dhe 15.9% për fëmijët në vitin 2023, megjithëse kjo përfaqësonte një rënie prej 4% që nga viti 2019.
