Analisti, Selam Shkodra ka thënë se nuk po ka sqarime të mjaftueshme nga KQZ për qytetarët në lidhje me problemet dhe vonesën e rezultateve të zgjedhjeve të 9 shkurtit.
Ai tha se këto probleme nuk justifikohen pasi KQZ ka pasur katër vite në dispozicion për tu përgatitur.
Tutje, Shkodra tha se pas certifikimit të zgjedhjeve dikush nga KQZ duhet që të shkojë në shtëpi.
“Mendoj që është shije jo e mirë kjo çfarë çfarë ka ndodhë. Sqarime nuk po ka mjaftueshëm nga institucioni që është përgjegjës për këtë (KQZ). Me gjasë është e karakterin teknik sepse nuk besoj që ka ndonjë kokë të krisur që lëshohet në këtë aventure përderisa dihet fokusi dhe interesimi i të gjitha institucioneve rreth procesit të numërimit të votave. Mund të ketë pasur edhe sulme kibernetike, por çfarë do të ishte më mirë dikush nga KQZ me dal me njoftu opinionin se çfarë po ndodh, sepse u bënë 48 orë dhe mos me ditë qytetarët cili është rezultati”.
Mendoj që nuk mund të ketë shumë hile dora e njeriut sepse 100 prokurorë kanë qenë kujdestarë në ditën e zgjedhjeve… Po du me besu që është një gabim teknik, por KQZ kryeshefi i saj nuk justifikohet sepse i kanë pasur katër vite në dispozicion, e kanë pasur buxhetin të cilin e kanë projektu vet dhe është aprovu…Sa të përfundojë rezultati dhe të certifikohen zgjedhjet, unë mendoj që dikush nga ta duhet që të shkojë në shtëpi”, ka deklaruar ai në emisionin “Këndi i Debatit” në Tëvë1.
