Njohësi i çështjeve politike, Selam Shkodra i ka quajtur riciklime disa nga prezantimet e reja që kanë bërë partitë politike para zgjedhjeve të 28 dhjetorit.
Ai ka thënë se disa nga këto prezantime kanë qenë në këto parti.
“Janë brenda një fuqie të caktuar të një elektorati te caktuar gjitha këtyre subjekteve që po i prezantojnë. Është riciklim i vërtetë, s’ka definicion tjetër. Disa nga figurat që kanë qenë gjatë në subjektet e tyre dhe për arsye që si di askush për një kohë nuk janë shfaq në publik. Gjithë këtë njerëz kanë qenë aktiv në politik dhe qeto subjekte politike kanë tregu këto rezultate në 7- 8 vjetë e fundit me këta njerëz”, ka thënë Shkodra në emisionin “Këndi i Debatit” në Tëvë1.
Ai ka thënë se këto figura nuk janë që zgjojnë interesim, sikurse të ishin nga Akademia e Shkenacave, shoqëria civile.
“Nuk janë personazhe që s’kanë qenë kurrë në politike dhe munden me ofruar si p.sh nga Akademia e Shkencave e Arteve, shoqëria civile, njerëz kredibil që kanë autoritet tek qytetarët dhe kanë treguar performancë të mirë në vendet e punës, ku te qytetarët munden me zgjuar interesim”, tha ai.
Aleanca për Ardhmërinë e Kosovës ka prezantuar dy ish-anëtarë të saj Agim Çekun e Burim Ramadanin të cilët do të jenë edhe në listë për deputet.
PDK në listën e vet do t’i ketë disa anëtarë të “Koalicionit për Familjen”. LDK ka prezantuar, Festim Kabashin, Adelina Thaçin e Ermal Sadikun.
