Njohësi i çështjeve politike,Selam Shkodra ka vlerësuar se problemet brenda PDK-së nuk kanë arritur të menaxhohen nga udhëheqësia aktuale, sikurse ajo paraprake.
Ai thotë se situata ka shpërthyer jashtë kontrollit në zgjedhjet e kaluara lokale, ku kryetari aktual i Drenasin, Ramiz Lladrovci nuk kishte mbështetur kandidatin e PDK-së.
Këtë veprim sipas tij, duke se Sami Lushtaku për të cilin ka thënë se ka ndikim të madh në strukturat e partisë nuk ja ka falë.
“Z.Lladrovci ka qenë i pavarur në qeverisjen e tij. Ka shpërthye kjo situata në mënyrë të pakontrolluar. Replikat në distancë në mes të z.Lladorovcit dhe z.Lushtakut në fillim të vitit 2021 kur z. Bekim Jashari ishte kandidat për Skenderajn dhe aty kanë filluar me shpërfaq debati i tyre në publik. Sipas gjitha gjasave z.Lushtaku nuk e ka falë z. Lladrovcin për pozicionimin e tij në zgjedhjet në Skenderaj dhe më shumë gjasë e ka pa të rrugës me punua në kuptimin që z.Lladrovci mos me qenë kandidatë. Dihet që ndikimi i z.Lushtakut në strukturat e partisë është shumë i madh”, ka thënë ai në emisionin “Këndi i Debatit” në Tëvë1.
