Njohësi i çështjeve politike, Selam Shkodra ka thënë se nuk beson që Kurti e Limaj do të arrijnë një marrëveshje bashkëpunimi.
Ai ka thënë se mes palëve nuk ka besim të mjaftueshëm.
“Sipas gjitha gjasave nuk do të ketë marrëveshjes sepse palët nuk kanë besimin e mjaftueshëm mesjete se do të qëndrojnë besnik njëri tjetrit deri në fund të procesit”, ka thënë Shkodra në emisionin “Këndi i Debatit” në Tëvë1.
Ai duke komentuar deklaratën e Limajt një ditë më parë ka thënë se kreu i Nismës nuk është i gatshëm ta konstituojë Kuvendin pasi beson se Kurti nuk i ka votat e mjaftueshme për qeverinë.
“Z.Limaj nuk është i gatshëm për ta konstituuar Kuvendin për faktin se nuk beson që Kurti i ka votat e mjaftueshme për ta formuar Qeverinë”, ka thënë Shkodra.
Ai ka thënë se brenda Grupit Parlamentar të VV-së ka kundërshtime që Limaj të jetë kryetar Kuvendi dhe sipas tij një ndër kundërshtarët më të forta është Donika Gërvalla.
