Njohësi i çështje politike, Selam Shkodra i ka vlerësuar si të panevojshme diskutimet për zgjedhje të reja në këtë fazë, ku ende nuk janë certifikuar rezultatet e as konstituuar Kuvendi e formuar qeveria e re.
Shkodra ka thënë se deklarata e kryeministrit në detyrë javë më parë se vendi mund të shkojë në zgjedhje nëse nuk votohet presidenti ka qenë e panevojshme.
Por, ai ka thënë se janë të çuditshme edhe deklarimet e disa zyrtarëve të partive opozitare se nuk do të votojnë presidentin pa ndonjë marrëveshje.
“E shohë si të panevojshme në këtë fazë që të ketë diskutime të mundësisë së shkuarjes në zgjedhje të parakohshme, për faktin se është normë kushtetuese. Politikanët janë për gjetur zgjidhje, deklarata e Kurtit është e panevojshme në këtë fazë, por e çuditshme është edhe deklarimi i zyrtarëve të subjekteve opozitare. Vazhdojnë me përsërit gabimin e njëjtë ashtu siç ka bërë në vitin 2025”, ka thënë ai në emisionin “InfoNata” në Tëvë1.
Ai ka thënë se nëse partitë opozitare bëjnë gabimet e njëjta dhe vendi shkon në zgjedhje dëmi do të jetë i madh edhe për ta.
Sa i përket rikandidimit të Vjosa Osmanit edhe për një mandat presidente, ai ka thënë se ajo ka kryer punën sipas kushtetutës dhe ligjit.
