Përfaqësuesja e Shqipërisë në Eurovizionin e këtij viti, “Shkodra Elektronike”, po vijon me sukses turneun promovues në disa prej qyteteve më të rëndësishme të Europës.
Kënga, që përfaqëson një ndërthurje të veçantë të motiveve tradicionale shqiptare me ritmet elektronike moderne, është kthyer në një prej këngëve më të pëlqyera të edicionit të këtij viti.
Me afrimin e datës së mbajtjes së Eurovizion 2025, interesi për performancën shqiptare është në rritje.
“Shkodra Elektronike” ka tërhequr vëmendjen jo vetëm për tingullin unik, por edhe për performancën e saj dinamike dhe koreografinë e veçantë që u prezantua për herë të parë gjatë Festivalit të Këngës në RTSH, në edicionin e 63-të.
Performanca e veçantë e dy artistëve është bërë virale në rrjetet sociale, duke u interpretuar nga njerëz të ndryshëm në të gjithë botën. Kjo energji dhe autenticitet ka bërë që “Shkodra Elektronike” të spikasë mes konkurrencës së fortë dhe të ngjallë entuziazëm tek fansat e Eurovizionit.
Eurovizion 2025 këtë vit do të mbahet në datën 13, 15 dhe finalja e madhe më 17 maj. Shqipëria do të ngjitet në skenë në gjysmëfinalën e parë më 13 maj dhe do të performojë e 12-a në radhë.
