Njohësi i çështjeve politike Selam Shkodra ka se vendimin e Ramush Haradinaj për të mos qenë më kandidat për kryetar të AAK-së, e sheh si shpallje të kandidaturës për president.
Ai ka thënë se Haradinaj me këtë veprim e ka plotësuar kushtin për të qenë kandidat.
Shkodran në emisionin “Këndi i Debatit” në Tëvë1 ka thënë se ky ka qenë një veprim i mirë strategjik i Haradinajt.
“Mendoj që e ka plotësuar kushtin për të qenë kandidat. Sipas gjitha gjasave këtë veprim e ka bërë në konsultë me njerëz që i ka pikë të kontaktit me njerëz në Uashtingon, sepse ky veprim vjen pas vizitës atje. Veprimi i tij është mirë i mendua dhe strategjikisht e shoh si një kandidat serioz për president”, ka thënë Shkodra.
Ai ka thënë se Haradinaj ka kontakte të mirë në Uashington e Londër.
Sipas tij, Haradianj ka punuar në heshtje për të siguruar numrat për të qenë kandidat për president.
“Mendoj se ka bërë veprime për të siguruar nënshkrimet dhe sipas gjitha gjasave tashmë, veprimet e tij ka kaluar në heshtje për të siguruar edhe numrin e nevojshëm të nënshkrimeve për ta shpallur kandidaturën e tij”, ka thënë Shkodra.
Ai ka thënë se Kurti dhe Haradinaj kanë pas pikëpamje të ngjashme për shumë gjëra.
Haradinaj të enjten tha se nuk është kandidat për president, por nëse një gjë e tillë do t’i kërkohej do ta shqyrtonte.
“Nuk jam kandidat për president të vendit, nëse në një rrethanë, deputetet, parlamenti do të ma kërkonin e kisha shqyrtuar, por nuk jam kandidat”, u shpreh ai.
