Kapiteni Besart Ibraimi do ti prijë sulmit të Shkëndijës së Tetovës në duelin kundër Qarabagut në Baku të Azerbajxhanit.
Kjo është ndeshja e kthimit e raundit të tretë kualifikues të Ligës së Kampionëve dhe nis në orën 18:00 në stadiumin “Tofiq Bahramov”.
Trajneri i Shkëndijës, Jeton Beqiri tashmë ka vendosur për 11-shen e tij për këtë ndeshje, në të cilën synon përmbysjen e madhe dhe kalimin në “play-off” të Championsit.
Ibraimi në sulm do të përkrahet nga treshja Liridon Latifi, Arbin Zejnullai e Fabrice Tamba, që është vendosur prapa tij.
Para mbrojtjes, trajneri Beqiri ka vendosur mesfushorët defensive Kamer Qaka e Reshat Ramadani kurse vija e mbrojtjes përbëhet nga Ronaldo Ëebster, Klinsman Cake, Imran Fetai e Aleksander Trumçi.
Në portë është Baboucarr Gaye kurse Shkëndija kërkon përmbysjen e rezultatit pas ndeshjes së parë, të cilën javën e shkuar u humbi 1:0 në Shkup.
