Të hënën, është tërhequr shori për raundin kualifikues të “play off-it” në Ligën e Kampionëve.
Në “play-off” që është faza e fundit para asaj të ligës apo të grupeve, mund të paraqitet edhe Shkëndija e Tetovës.
Për t’u futur në “play-off”, Shkëndija duhet ta eliminojë Qarabagun e Azerbajxhanit, ekip me të cilin përballet në raundin e tretë kualifikues të Championsit.
Nëse e kalon Qarabagun, Shkëndija përballet me fituesin e duelit ndërmjet Ludogoretsit të Bullgarisë dhe Ferencvaroshit të Hungarisë.
Ndeshja e parë mes Shkëndijës dhe Qarabagut, zhvillohet të martën prej orës 20:00 në Shkup.
Shkëndija, tashmë ka kaluar dy raunde kualifikuese në Champions dhe minimalisht ka siguruar fazën e ligës apo grupeve të Ligës së Konferencës.
