Aq të kufizuara janë në funksionalitet saqë nuk ja vlen të krahasohen me versionet e Photoshop dhe Illustrator në desktop.
Adobe do të sjellë Photoshop dhe Illustrator në ueb dhe përdoruesit tashmë nuk kanë nevojë të shkarkojnë dokumentet e hostuara në cloud për ti punuar.
Është një hap i madh për kompaninë dhe dy aplikacionet e editimit profesional por ky është vetëm fillimi sepse janë të kufizuar në funksionalitete.
Aq të kufizuara janë saqë nuk ja vlen të krahasohen me versionet e Photoshop dhe Illustrator në desktop.
Në të vërtetë ideja e këtyre aplikacioneve në ueb është që të punoni së bashku me një klient apo editor nga cloud. Më përpara përmes Creative Cloud përdoruesit mund të linin komente ndërsa tani e tutje mund të bëjnë edhe ndryshime bazike.
Adobe gjithashtu ka shtuar një panel për Photoshop në desktop që përdoruesit të shikojnë komentet e lënë prej njerëzve. Normalisht për të përdorur Photoshop dhe Illustrator në ueb duhet të keni një abonim Creative Cloud. /PCWorld
