Ristrukturimi i kabinetit u përmend si një ndër arsyet kryesore.
Mbi bazën e kësaj, kryetari i Prishtinës, Përparim Rama liroi nga detyra ish-nënkryetaren, Donjeta Sahatçiu dhe drejtorin e Shërbimeve Publike, Ilirik Musliu.
Që të dy, janë nga radhët e Partisë Demokratike të Kosovës që kanë koalicion me Lidhjen Demokratike në këtë komunë, e që thonë se kjo nuk është arsye kryesore për shkarkimin e tyre.
Në reagimin e tyre u tha se një vendim për këmbim të disa pronave të Badovc, u ka kushtuar me shkarkim.
Por, Endrit Zabërgja nga Nisma Socialdemokratike po vlerëson se pakënaqësitë mes subjekteve qeverisësë kanë nisur qysh moti, andaj vlerëson se edhe koalicioni do të prishet.
Edhe Albulena Ndrecaj nga Iniciativa për Progres thekson se vendimi për këmbimin e pronave private me ato publike në Badoc ka qenë arsye kryesore për shkarkimin e tyre.
Teksa shton se ligji ia lejon kryetarit të shkarkojë drejtorë nga pozita, por që thotë se në rastin konkret kjo do duhej bërë mbi bazën e transparencës.
Tëvë1 ka tentuar gjatë ditës të marrë një qëndrim nga dy LDK dhe PDK në Prishtinë, se cilat janë veprimet e mëtutjeshme në këtë çështje, por që asnjë nuk kanë qenë të qasshëm.
Ndërkaq, nesër nga ora 14:00 do të mbahet seanca e Kuvendit Komunal të Prishtinës, ku pritet të anulohet vendimi për këmbimin e pronave në Badovc.
