Basketbollisti kroat Henrik Shirko është nga ata që kanë luajtur tash ë një kohë të gjatë në basketbollin e Kosovës, por që edhe ka fituar trofe me të gjitha skuadrat ku është paraqitur.
32-vjeçari ka hyrë në vitin e pestë në Kosovë, derisa ka qenë pjesë e disa skuadrave të mëdha në vendin tonë si: Peja, Prishtina, Ylli dhe tani që momentalisht është pjesë e Borës.
“Sebep” që ai të luaj në Superligën e Kosovës ishte trajneri kroat Jeronimo Sarin, që e solli te Peja.
“Pikë së pari, Kosova është perfekte për mua, njerëzit, organizimi, skuadrat si dhe kampionati thjesht gjithçka është perfekte, ndoshta niveli i kompeticionit është më i lartë në Kroaci, por këtu respektohem më shumë sesa atje dhe kjo ishte arsyeja kryesore për të qëndruar këtu”, ka thënë Sirko në një rrëfim për Sportin në Tëvë 1.
Ai me secilën skuadër ka fituar trofe.
Me Pejën fitoi Kupën e Kosovës, me Yllin e Suharekës titullin e kampionit ndërsa me Prishtinën Ligën Ballkanike, teksa trofe shpreson edhe me Borën, ekipin e tij të ri, që nga janari i këtij viti.
