Të paktën 26 persona kanë humbur jetën në shtetet verilindore të Indisë për shkak të shirave të fortë që shkaktuan përmbytje dhe rrëshqitje toke gjatë tre ditëve të fundit, sipas zyrtarëve.
Në shtetin Assam, tetë persona kanë humbur jetën nga përmbytjet dhe rrëshqitjet e dheut, njoftoi Autoriteti i Menaxhimit të Fatkeqësive të këtij shteti të shtunën vonë.
Ministri Federal Kiren Rijiju, i cili është gjithashtu anëtar i parlamentit nga shteti Arunachal Pradesh, tha se deri në shtatë persona kanë vdekur në një rrëshqitje toke “tragjike” në këtë shtet.
Në Meghalaya, gjashtë persona kanë humbur jetën nga incidentet që lidhen me shiun gjatë tre ditëve të fundit, raporton Anadoly.
Në shtetin fqinj Mizoram, të paktën pesë persona kanë vdekur nga rrëshqitjet e dheut, njoftoi All India Radio të shtunën.
Ushtria indiane ka reaguar menjëherë pas kërkesave të qeverisë në shtetin Manipur, me ushtarët dhe trupat paraushtarakë që shpëtuan 800 civilë nga zonat e goditura nga përmbytjet në distriktet Imphal East dhe Imphal West të Manipurit.
